灣仔：垃圾長堆巴士站 食署懶理
「嗰堆垃圾都積咗喺度好耐，連個咖啡罐都畀車壓到扁晒。話晒呢度都係巴士總站，食環署啲清潔點可以咁求其？」鄧先生每日均會到灣仔北臨時巴士總站等候960線，發現站頭有垃圾及煙頭積聚多時仍未見清理，遂向食環署反映，「上年十二月中已經打1823，等咗好耐都係冇人清，先同《東方》講。」
食署：會派員加強巡查
食物環境衞生署發言人證實，曾接獲有關投訴，其後已清理及作回覆，而接獲轉介後，亦有再次安排清掃行動，並派員加強巡視涉事地址。
不過，鄧先生反駁食環署所指不符事實，「佢有覆過我話清咗，但都仲係咁污糟，我都有影低相做證。同埋你哋記者喺一月中落去睇，咪又仲係見到嗰堆垃圾，根本就係成個月都冇郁過！」