政情：公民講場：拉布成災鬥霸會期

立法會現正面對「三線」拉布，除咗大會就《2014版權（修訂）條例草案》拉布外， 財務委員會又面對港珠澳大橋香港口岸工程超支追加撥款拉布，工務小組委員會就要面對高鐵超支追加撥款拉布，三線告急下，睇嚟立法會主席曾鈺成、財委會主席陳健波及工務小組主席盧偉國，都要鬥快霸定啲日期加開會議。不過，時間就得咁多，開得呢個會就開唔到第二個會，分分鐘最後財委會同工務小組都要讓時間畀大會加開會議。