政情：名人紛撐場 全靠「好命」
立法會選舉將於九月舉行，盛傳有機會出選資訊科技界功能界別嘅香港軟件行業協會會長楊全盛（Eric），近期就密密搞活動及現身，尋日佢就以智慧城市聯盟召集人身份出席該聯盟與奧地利Austrian Technology Corporation合作的簽約儀式，連創新及科技局局長楊偉雄同政府資訊科技總監楊德斌都有撐場。
我哋見Eric同楊偉雄條領呔與該聯盟卡片顏色一樣都係紫紅色，但Eric話冇專登夾過，真係夾都無咁準喎，咁心有靈犀，加上呢期Eric搞活動，好似上次香港電競總會創會典禮及表演賽咁，楊偉雄都有出席，唔知局長係咪會撐Eric出選立法會呢？楊偉雄對此就笑而不語喇。
避談是否參選議員
不過，見局長由另一場活動趕過嚟捧自己場，Eric都相當高興，但就封口唔認係咪會參選同局長係咪撐佢，淨係話好多謝大家都咁支持佢搞活動，又笑笑口稱大家咁畀面係：「我好命囉！」話希望大家之後都會繼續支持佢喎！