政情:民記孫啟昌 多個區議員契仔

近年被視為建制派「壞孩子」嘅自由黨,原來並非每個黨員都同建制派關係咁差嘅。剛當選灣仔渣甸山區議員嘅自由黨青年團副主席林偉文(Anson),星期二開完第一次區議會會議後,夜晚就同灣仔區議會前主席、民建聯(民記)孫啟昌,喺紀利華木球會擺咗六圍,正式上契成為父子。

Anson貪玩嗌契爺 愈覺投契

Anson話,佢爸爸喺佢十幾歲嘅時候已經離世,無法見證佢多件人生大事,自覺少咗啲福分,一直都有啲遺憾。直到幾個月前識到孫啟昌,一開始只係貪玩咁叫對方做契爺,後來覺得相當投契,「好似同爸爸摸住酒杯底講心事咁」,兩人於是決定上契,唔知孫啟昌算唔算係「喜得麟兒」呢?

Anson又話,兩人有時都會因為政見不同而有爭執,但都會尊重同理解對方嘅睇法,而黨亦知道佢哋上契嘅事,仲一班兄弟去賀佢添,而多個建制派灣仔區議員亦有到賀,場面相當熱鬧。

第一手消息請下載on.cc東網iPhone/iPad/Android/Windows Phone Apps