正所謂開卷有益，其實做各行各業都應該多讀書學習增加知識以精益求精。雖然日本寫真女郎西田藍冇局長咁一個月睇30本書當食生菜，但係阿妹就因為讀得書多而成功上位，呢種書卷味咁濃厚嘅美少女唔知合唔合大家口味呢？
喺日本不論係AV界定係寫真界，都有好多混血美人兒，佢哋唔單只美貌過人，面上嘅氣息仲相當獨特，令人望一眼就喺心裏頭留下深刻印象，例如AV界嘅小澤瑪莉亞同Rio，寫真界就有小林惠美，而今日為大家介紹嘅西田藍就係近期上位速度相當快嘅混血兒一族喇！
年方24歲嘅西田藍青春可人，據聞其日本籍父親為國爭光，娶咗個美國老婆，故生得出阿妹咁索。雖然西田藍個樣似日本妹多啲，但係身材方面就似美國妹，身高5呎6吋，比好多水着妹高挑。藍妹嘅肌膚亦同西洋女仔一樣咁雪白，至於係咪咁粗糙則未有機會了解喇。肌膚雪白再加上35E-24-35三圍，令藍妹呢副身材充滿曲線美同火辣感覺，正！
西田藍憑住參加2013年由一間出版社舉辦嘅選美比賽「Miss iD 2013」得到亞軍，從而成功進軍寫真界。不過，西田藍嘅發展跟其他寫真女郎唔同，唔似佢哋咁經常以水着姿態演出，而係着得密密實實，乜唔係愈着得少布愈容易上位咩？咁又唔係一定嘅，藍妹成日都喺博客上載自己換上各種制服時自拍照，更加自稱係制服狂熱者，最抵死就係藍妹換上制服之後表情同動作都極具挑逗性，引來大班網民關注，人氣急升。而多套制服當中，其中一套書店職員裝就最令人喜愛，原因係阿妹身材纖巧，着上白恤衫加短裙，再戴埋副眼鏡凸顯出一派書卷味。其實，藍妹充滿書卷味嘅形象亦深入民心，皆因佢除咗係制服狂熱者，亦係一個閱讀迷，經常喺博客透露自己近期睇緊咩書，係寫真界當中少數被稱為有文化嘅寫真女郎。
簡介：西田藍好學不倦成日都睇書，而每睇一本書佢都會喺博客上介紹畀大家欣賞，想同阿妹分享閱讀心得，可以上佢個博客睇睇，當然仲要睇埋佢嘅性感自拍照啦！
網址：http://ameblo.jp/nishida-ai/
年齡：24歲
身高：5呎6吋
三圍：35E-24-35
撰文：賢