探射燈：無晶片 零容量 假USB通街賣

「十隻入面十隻都係用唔到，拆出嚟仲係冇晶片嘅。」鍾小姐表示，她與家人日前到旺角近登打士街的「女人街」其中一個排檔，以一百元購入十隻印有卡通人物的32GB USB，打算送給同學作聖誕禮物。怎知當她回家用電腦測試，卻發現所有USB均未能讀取，「屋企人試吓拆開啲USB嚟睇，點知入面冇晶片嘅，嗰刻先知畀人呃咗。」她指，該檔口未有開出單據，「想換都未必換到啦。」

大量購入「一隻都用唔到」

「我覺得有伏」、「女人街的32GB USB很可疑」，除了鍾的個案外，網上亦有不少網民討論疑購買了假USB。有網民指，早前因USB價錢便宜而大量購入，惟回家後發現無法使用，「打算入晒啲相送畀阿女啲朋友仔，一隻都用唔到。」另有網民更表示，曾成功把資料儲入USB，但其後卻突然「被消失」，更令電腦出現故障。

其中一隻USB拆開後，內裏只是一塊假晶片。	女檔主表示早已得知其售賣的USB有問題，現時只當吊飾售賣。	檔主拿出電腦試用USB，無法顯示有外置記憶體。

記者將鍾在檔口購入的其中五隻USB連接至電腦，同樣未能讀取。隨後記者前往近登打士街的女人街排檔，發現已有逾十檔出售同類的卡通人物USB，價格由一百元五隻至十隻不等，但同樣不可即場試用。

記者把鍾小姐購入的部分USＢ連接電腦作測試，發現全部未能讀取。	趙炳權	市民點睇 潘小姐（醫護界）：「唔會亂喺街買USB，都唔知有冇毒，會喺信譽良好嘅店舖買。」

檔主：試唔到畀你

為求證USB是否可用，記者佯裝顧客到鍾光顧的檔口欲購買兩隻32GB USB，並指已帶備手提電腦可即場試用，女檔主見狀帶記者到另一售賣同類USB的檔口作測試，結果發現兩隻USB均未能讀取；另一檔口的男員工亦取出一隻其售賣的USB，以「私伙」電腦測試，同樣未能讀取。女檔主接着以「試唔到畀你」為由，草草打發記者離開。

其後，記者表明身份後再次到該檔口查問，指不少顧客反映其檔口出售的USB未能使用，對方表示知道貨品有問題，「我知呢批貨有啲得有啲唔得，依家都係當吊飾咁賣，賣埋呢批就唔會再賣。」她指，有顧客曾表示所購的USB未能使用，「我都有換畀佢。」

專家：只是無零件外殼

香港專業教育學院（青衣）工程系系主任趙炳權取過鍾購買的USB作檢測，發現相關USB只是一件無零件的外殼，「最貴嘅晶片、線路都冇，只係隨意咁放咗塊片喺入面，梗係用唔到啦。」趙指，市民購買時難以憑肉眼分辨USB真假，必須要拆開才能知道。

趙亦指出，除了假USB之外，部分USB亦在容量上「偷雞」，與原本聲稱的容量有差距，「質素參差嘅USB，隨時會唔見晒入面嘅文件，得不償失。」他稱，市民應購買具信譽的品牌產品，「部分冇品牌的USB如係二手，畀人用過，電腦隨時會中毒。」

海關發言人指，去年一月至十一月期間，海關偵破兩宗冒牌USB快閃記憶體案件，涉及約五百隻記憶體。根據《商品說明條例》，任何人在營商過程或業務運作中，將虛假商品說明應用於任何貨品；即屬違法。同時，任何人管有任何已應用虛假商品說明的貨品作售賣或任何商業或製造用途，亦屬違法，一經定罪，最高刑罰為入獄五年及罰款五十萬元。

圖／文：專案組