如果有條友被人話係遊戲人間，即係代表佢做任何事都係玩玩吓，一啲都唔認真。不過，對於內地嫩模陳雨涵嚟講，非但唔會令人有咁嘅感覺，反而相當認同，事關佢喺遊戲界極具名氣，加上佢靚到好似天仙下凡咁，有邊個男人唔冧吖！
24歲嘅陳雨涵出生於上海，原名陳純，英文名CC，初出道時以清純可愛形象示人，被喻為蘿莉系索模，佢擁有激凸上圍，故此有巨乳蘿莉嘅外號！雨涵憑住萌味十足嘅蘿莉魅力，喺網絡上頗具名氣，但係跟爆紅仍然有一段距離。喺2010年佢於上海舉辦嘅ChinaJoy遊戲展中，以展商Show Girl身份示人，亮麗嘅外形及活潑嘅形象，令佢成為展場人氣極高嘅Show Girl之一。翌年，佢為另一間遊戲商站台，並且以超性感嘅貓女造型登場，再次攻佔遊戲迷嘅眼睛，而佢性感嘅造型照更喺網絡上瘋傳，甚至有人稱佢為最誘人遊戲模特兒！
自此以後，雨涵不但喺多個大型遊戲展中亮相，更經常以性感Cosplay造型示人，同時成為多個手機及電腦遊戲嘅代言女郎。喺遊戲界成功打響名堂後，雨涵同其他人氣模特兒一樣，朝向影視界發展，先後演出過多部微電影以及擔任綜藝節目嘅嘉賓。如此優秀嘅成績，名副其實係一切從遊戲開始。
憑住喺遊戲界嘅人氣，造就雨涵今時今日喺模特兒界嘅地位，不過佢並冇因此而感到滿足，反而努力作多元化發展，利用佢喺網絡上嘅人氣增加搵錢機會。事實上，今時今日有唔少內地模特兒，都會善用佢哋嘅網絡平台嚟替代言商品做宣傳。不過呢項工作並唔係人人都做得嚟，事關唔單止講求人氣，仲要講求包裝，否則變成硬銷嘅話，盞令人討厭。雨涵深明呢個道理，識得點樣糅合個人近況同分享，透過軟性嘅方法向大家推介商品，呢種做法嘅好處係一啲都唔覺得突兀之餘，仲會有一種公信力，確實係高明嘅宣傳手段。
簡介：陳雨涵可愛又甜笑嘅外形，加埋一對激凸雙峰，不愧有巨乳蘿莉嘅外號。不過講到佢嘅迷人之處，又點止得個樣同上圍咁少呢？如果想發掘阿妹更多魅力，就記得去佢嘅個人微博，仲可以同佢進行互動傾偈添！
網址：www.weibo.com/ccccc0201
出生地：上海
身高：160cm
三圍：34、22、33
撰文：魂