申訴專員劉燕卿踢爆房屋署「篤數」，刻意製造三年可上公屋嘅假象，於發放公屋輪候時間資料誤導公眾，將公屋「一般申請者」平均輪候時間與優先上樓嘅長者及「特快公屋編配計劃」嘅申請人一併計算，人為壓低輪候公屋時間，實情輪候時間距離平均三年嘅目標愈來愈遠，最長輪候時間更超過七年。真係等完三年又三年，望穿秋水，原來由張炳良出任局長嘅運輸及房屋局上下都咁識得篤數嘅！
