道歉時鞠躬露波罅是常識吧！不過成日露出碩大胸部嘅女仔，不但容易惹來色狼，更加令人誤會係思想開放，甚至係放蕩，好似小泉麻耶咁因為上圍大而惹嚟閒言閒語，差啲影響前途呀陰功！
日本寫真界人才輩出，好似高崎聖子被喻為日本寫真界之救世主，而染谷有香就被稱為擁有寫真界最強Body。無錯，呢兩位新紮師妹無論美貌同身材都相當出眾，但其實早於佢哋之前已經出現過一位最強Body寫真女優，佢就係近期轉型為演員嘅小泉麻耶。
今年27歲嘅小泉麻耶，講樣貌就真係唔算標準靚女，塊面有少少闊，兩邊顴骨略高，幸好雙眼有神夠明亮，加上笑容甜美，整體分數才拉番高。當然，喺寫真界打滾最重要係身材啦，而麻耶呢一方面就絕對無問題，阿妹身高5呎5吋，比好多寫真女郎生得高挑，加上腰肢纖幼，而最引人入「性」就係胸部夠大，擁有36吋G Cup美巨乳，呢對G奶白滑、堅挺、軟綿綿兼而有之，難怪麻耶初出道時被冠上最強Body之名。
麻耶加入寫真界之前可謂經歷幾番風雨，讀高中嘅時候，佢因為擁有一副好身材而獲邀請拍攝寫真，點知被校方勒令退學，阿妹為此事而上訴法院，最後被判上訴無效，麻耶只好放棄學業踏上寫真之路。憑住一副火辣身材，麻耶成功獲得廣大寫真迷支持，更加火速喺影視界佔一席位，演出嘅電影包括《女神戰隊》、《特命女播音員 並野容子》等，2013年主演嘅《從黑暗伸出的手》更喺「夕張國際奇幻電影節」獲獎添！
之不過，麻耶妹唔知係咪因為胸大而被人標籤為淫蕩，上年被日本傳媒指佢勾引有婦之夫棒球手阿部慎之助，又話佢向藝能事務所高層陪睡換取工作，搞到麻耶嘅演藝事業幾乎玩完。幸好，種種對麻耶嘅指控都冇實質證據，最後才告一段落。雖然麻耶感到好憤怒，但佢知道爭辯係無補於事，加上性格樂觀，最近已經重新投入工作，繼續喺演藝事業上打拚。
簡介：小泉麻耶久不久都會喺博客同粉絲分享公餘時間嘅活動狀況，想知道佢得閒會去邊度吃喝玩樂充充電，就要Click上去睇吓，當然唔少得欣賞埋阿妹嘅靚相喇！
網址：http://ameblo.jp/maya-koizumi/
年齡：27歲
身高：5呎5吋
三圍：36G-24-34
撰文：賢