探射燈：百業出招救亡 迎戰聖誕
今個聖誕不太冷，對一眾商家卻是寒冬！普天同慶的聖誕節向來是消費旺季，惟本港今年經濟慘淡，多個行業深受影響。有從事酒吧生意的負責人表示，預計十二月的生意額較去年同期下跌百分之六至十，令酒吧業界競爭更為嚴峻。從事海鮮到會的負責人預計生意下跌，需要變招吸引顧客。從事廣告及市場推廣的公司坦言生意難做，因受大環境經濟波動的影響，導致不少客戶大減宣傳成本，生意較以往下跌一成。有學者直指，內地旅客的購物模式轉型，對貴價的奢侈品需求下降，亦影響聖誕銷情。
「今年好遲先收到客人訂枱電話，因為今年消費意欲唔係太高，好似公司搞聖誕派對嘅預算少咗，由上年四至五百蚊，減到今年嘅二百五至三百蚊一位。」在尖沙咀從事酒吧生意的張先生坦言，今年聖誕節接到的派對訂單較往年同期少，預計十二月的生意額較去年同期下跌百分之六至十。
餐廳生意本月料跌三成
張表示，今年聖誕經濟不景氣，令酒吧業界競爭更為嚴峻，「中環、蘇豪都有好多酒吧，預計今年競爭會大咗，所以要醒目啲，諗吓計去吸客。」他稱，該酒吧會推出平價聖誕套餐，大約每位收費二百五十元，以符合顧客預算。除了推出優惠，酒吧還會為客人提供聖誕禮物、駐場樂隊表演等，「雖然經濟不景氣，但我哋都會盡力做宣傳，吸引新嘅客人，最重要係做好個聖誕氣氛。」
聖誕節一向是飲食業的黃金期，西餐廳負責人鄭先生表示，預計今年十二月生意額較往年同期下跌三成，「今年經濟差，加上又有一系列反個人遊嘅活動，所以影響咗我哋生意。」鄭坦言生意難做，「惟有平、靚、正，價錢平啲，餐嘅分量多啲，咁先可以吸引客人，即使成本加咗，都唔敢加價，驚啲客走咗。」
急推小型派對套餐應市
另外，不少公司及家庭都會訂購外賣到會舉辦聖誕派對，從事海鮮到會生意的何先生指，該公司的生意額比去年同期少百分之十，「我哋同時做餐廳批發同市面零售嘅生意，發覺今年聖誕批發訂單少咗，可能因為餐廳生意差咗，少啲入貨。」為了吸引更多客源，何推出相應措施，「經濟差咗，客人落單方面手緊咗，所以我哋會推出小型派對到會套餐，由以前十二人餐，變成依家六至八人餐，可以就番佢哋預算。」
「今年聖誕生意大約較以往少百分之十到十二，好多客戶都cut budget（縮減預算），好似搞roadshow（街頭巡演）、event（活動）時候會比之前嘅規模縮細。」廣告及市場推廣公司行政總監Alex表示，不少企業客戶因股票市場波動影響生意，以致減少聖誕推廣活動的成本預算，「現階段我哋會諗方法去調整budget（預算），例如嘗試吓將由以往嘅傳統媒體改為社交媒體上宣傳，盡量善用資源。」
內地旅客消費模式轉型
城市大學經濟及金融系副教授李鉅威表示，內地市場日漸成熟，內地旅客的購物模式開始轉型，對貴價的奢侈品需求下降，改為購買實用貨品，因此令本港零售業近月「吹淡風」。「租金回落係市場調節，嚟緊市道可能係會靜啲。」李指未來本港可能迎來通縮，但強調經濟未有急速下滑的迹象，加上過往數年本港租金上升幅度過急，如今租金回落實屬市場調節。
圖／文：專案組