教育局局長吳克儉（吳得掂）之前好招積話自己一個月睇三十本書，旋即引起各方質疑係咪大隻講。吳得掂尋日出席一個活動時就補充話，所謂三十本「書」，係解書籍、周刊同雜誌，呢個解畫真係令大家當堂明白晒。佢又話，睇三十本書係「濕濕碎」，睇書係生活一部分，仲反問每日食早、午、晚三餐，又會唔會覺得辛苦喎。原來吳得掂對書嘅定義咁廣泛，求其搵個學生都可能睇得多過佢啦，小三學生仲考埋TSA添呀！
