慈善基金：瀕盲莫伯需4.5萬藥費保視力
「本身已經聽唔到嘢，真係好驚遲啲連隻眼都盲埋……」八十八歲的莫構因先天影響致失聰，近年又因罹患眼疾，致左眼視力盡失，而僅餘的右眼視力亦開始轉差，早前確診患上息肉狀脈絡膜血管病變，需接受針藥治療，惟有關治療屬自費且藥費高達四萬五千元，令靠綜援維生的莫伯一籌莫展，希望透過東方日報慈善基金呼籲善長施援，保存僅有的光明。
莫伯與妻子及六十八歲的兒子居於公屋單位，一家靠領綜援維生，妻子早前因輕度中風自此行動不便，年邁的莫伯及兒子均感無力照顧，只好將其送往護老院，並不定時前往探望。「我都想日日去探佢，但自己又老，行又唔得，每次去完探佢都好攰好辛苦，所以依家只會十幾日去一次。」莫伯慨嘆現時「耳聾眼矇」，體力及精神均大不如前。
與高齡子同住 生活拮据
事實上，莫伯聽力隨年紀增長，逐漸轉差。他指以往仍可勉強辨認聲音，惟現時即使戴上助聽器，日常溝通仍成問題，「雖然一出世已經接近聽唔到，但以前仲會聽到少少，冇依家聾得咁厲害。」禍不單行，失聰的莫伯亦受眼疾困擾，繼早年左眼視力盡失後，近期右眼視力每況愈下，他坦言日常生活大受影響，「左眼睇唔到嘢好耐啦，以前靠晒右眼日日睇報紙，依家就睇唔到啦，睇電視都好花好唔清楚，又聽唔到聲。貼晒以前啲相喺幅牆度，諗住得閒望吓懷緬吓，但隻眼咁樣，就快連啲相都睇唔到。」
莫伯至退休前一直為地盤工人，其子以往曾任清潔工，但現時亦已退休，全力照顧莫伯。二人日常省吃儉用，卻沒甚積蓄，故面對致盲眼疾，需支付昂貴的針藥費，莫伯只覺徬徨無助，「醫生話唔打針我就可能會盲，依家有時搭升降機都睇唔清啲數字，我真係好驚，好驚以後咩都睇唔到。」
香港眼科醫院發言人證實，莫伯右眼患上息肉狀脈絡膜血管病變，建議接受眼內注射「愛亮眼」及光動力療法。現時「愛亮眼」每次注射費用為一萬一千元，並需注射三次；光動力療法每次需費一萬二千元。莫伯希望及時得到善長幫助，接受有關治療，讓他可保存僅有視力及希望。
捐款編號：12742
記者：呂諾君