「全城清潔大行動」其中一個重要目標，是檢視並改善一些現行做法，以達到改善公共衞生情況的效果。惟有學者認為，現時政府決心不足，即使發現問題亦不肯進行改革，短短兩個月的清潔行動只會治標不治本。
「外判工收咗一袋袋垃圾，放喺街邊，垃圾車第二朝先嚟，積積埋埋咁梗係多垃圾，問題其實好簡單，但係食環署有冇決心改革先。」城市大學專業進修學院學術統籌宋立功指，街邊積聚過多垃圾，代表食環署現行編制及做法出現問題，並非靠為期一兩個月的「清潔大行動」所能解決。
宋建議，食環署可以考慮因應每區個別情況，增加垃圾車收集垃圾的次數，「以往淨係朝早收垃圾唔夠嘅，可以將司機分成早晚兩更，每日收兩次，兩次再唔夠就三次，情況一定會有改善。」