娛樂圈不時都會傳出緋聞，指某女星跟某男星拍拖，更封女方為乜乜嫂添！之不過，好多類似新聞當中，其阿嫂身份到最後依然撲朔迷離，而日本寫真界極品新人宮本彩希嘅人妻身份亦都係一樣。
男人不論高矮肥瘦，大隻仔定排骨仔都一樣有大男人心態，而為咗滿足呢種心態，男士們都鍾意身材小巧嘅女仔，欲以其相對龐大嘅身軀保護對方，心底裏得到滿足之餘，仲有一份征服感。如果閣下自認係大男人，咁身高僅得5呎嘅宮本彩希就絕對可以滿足到你喇！今年26歲嘅彩希，被封為索爆人妻寫真女郎，之但係阿妹原來係單身未結婚，咁點解會畀人話係人妻呢？大家見到彩希個樣，係咪覺得佢氣質時尚艷麗之餘，仲散發出一份已婚女性嘅溫文知性美呢？所以阿妹予人第一個印象有人妻感覺絕不出奇。如果彩希真係人妻的話，絕對係一位嬌妻，因為佢身材嬌小，而且凹凸有致，三圍33E-23-34嘅胴體線條曼妙，係男人都愛死佢呀！
宮本彩希於上年加入寫真界，曾參加過《Young Magazine》舉辦嘅選美比賽「黑BUTA GIRL 2014」，最後憑住個人實力成功打入10強。今年彩希再接再勵，參加由電視節目《偶像之穴》舉辦嘅選美活動「日本Telegenic 2015」，最後阿妹奪得「最佳人妻」獎！最佳人妻？好多寫真迷得知消息之後，即刻進行一輪瘋狂人肉搜尋，結果只係發現彩希曾經做過幾年牙科診所登記護士，雖然人妻同護士兩個身份對男人都有無比吸引力，但係兩者唔能夠混為一談，而且大家搵極都搵唔到彩希個老公，到底發生咩事呢？彩希表示自己從來未結婚，獲得最佳人妻獎只係大家覺得佢有人妻Feel，兼且有成為好妻子嘅條件而頒個獎畀佢咁啫。大家都唔好畀彩希嘅「人妻」身份引起誤會，其實阿妹本身好活潑可愛，扮起動漫角色上嚟真係迷死人，同十零廿歲嘅妹妹仔完全冇分別o架！
簡介：宮本彩希除咗鍾意扮靚靚之外，仲好喜愛小動物，所以大家可以從佢嘅微博當中見到阿妹分享好多得意小動物嘅片段，相當有心靈治愈效果。
網址：https://twitter.com/saki_miyamoto
年齡：26歲
身高：5呎
三圍：33E-23-34
撰文：賢