國泰晚餐縮水 乘客捱餓

深夜到埗 難尋食肆補正餐

市民廖小姐表示，每年均會乘搭國泰航機來往珀斯及本港兩、三次，航班一般於下午約三時於本港起飛，當地時間晚上十一時許抵達珀斯，連同辦理出入境手續及領回行李，往往已超過凌晨零時。她指，以往國泰飛珀斯航班會「包兩餐」，但今年三月及九月兩次來往珀斯，機艙服務員均表示只能在午餐時間提供正餐，而晚餐則只供應三文治及小食。

她質疑，「國泰機票咁貴，有兩餐供應先合理。就算係都要減餐，安排都應該係掉轉，午餐當成下午茶，供應三文治、小食；晚餐就畀番正餐啲乘客啦！落機搞掂晒都十一點幾十二點啦，要人餓住肚咁過一晚，正常人都會諗到有問題！」

搭客投訴 等一周始獲回覆

廖小姐曾就餐飲問題向國泰投訴，但對方敷衍了事，令她更為氣憤，「我email（發電郵）畀國泰，佢成個禮拜先覆，仲要只係回應話會聽意見，結果有冇聽呢？咪又係繼續做得咁差！佢（國泰）咁巴閉，我梗係轉搭其他航空公司啦！」

國泰：中程航班僅一餐熱食

國泰發言人回應指，在航程少於八小時的中程航班，由於兩次餐膳服務時間相距只約三小時，因此部分航班只提供一次熱餐服務及服務流程較短的「輕膳」，以便乘客有更多時間休息。發言人承認，今年三月開始，上述安排亦於澳洲的珀斯航班上進行，而一份輕膳包括三文治、鬆餅、果仁酥餅、鮮果及盒裝飲品。