市建局董事兼立法會議員麥美娟尋日透露，將於下月接受申請、被外界形容為「貴價居屋」嘅資助房屋項目「煥然壹居」，除咗原定嘅家庭客之外，亦會接受埋單身人士申請，原因之一係避免被指違反《家庭崗位歧視條例》。須知麥美娟到依家都係單身，雖然現時立法會份人工高過申請「煥然壹居」嘅入息上限，但難保將來有申請需要。唔知佢喺市建局董事會討論有關問題時，需唔需要申報利益呢？
