雖然內地勁索兼勁有人氣嘅模特兒有好多，但係所謂勁索都係話佢哋個樣幾咁省鏡，同埋胸前幾咁偉大而已，卻甚少將焦點放喺臀部。唔係講笑，美乳女神就聽得多，美股女神大家又聽過未呢？內地性感模特兒佟蔓就係最佳人辦，佢嘅美股真係靚到可以用無懈可擊嚟形容！
呢位今年25歲於上海出生嘅索模，早喺3年前已經出道，當時嘅佢並非以美股誘惑大家，而係憑住俏麗嘅樣貌，以及斯文優雅嘅氣質，加上性感嘅寫真成功吸引大家嘅眼球。點解呢位斯文索女會投身模特兒行列呢？原因好簡單，就係因為貪靚，亦因此曾花過唔少時間同心機喺美容及化妝上，至於佢對靚嘅追求，可從佢喺微博上一句「為了誘惑，或只為自己，無論何時都要美」中可見一斑。由於佢嘅外形出眾，故此好快就獲邀請拍攝寫真，從此展開模特兒生涯。
如果大家有留意佢嘅寫真，除咗欣賞到一對美乳外，亦會發覺佢嘅妝容好自然清淡，淡到好似素顏咁，原因係佢天生麗質，唔使靠濃妝都咁迷人吸引，足已令男人心動。正當大家嘅焦點放喺佢嘅雙峰上之際，有人好似發現咗新大陸咁，稱佢嘅美股亦相當吸引，而堪稱完美嘅外形，瞬間令佢贏嚟宅男女神嘅稱呼。
喺好多人嘅眼中，一個貪靚嘅女人往往只有外表卻冇內涵，不過呢個觀念放喺佟蔓身上卻一啲都唔合適。事關大家咪以為佢只係識得拍攝寫真同埋喺展銷會中以Show Girl身份亮相，原來佢從事模特兒工作之餘，亦朝着商界發展，皆因佢仲有另一個身份，就係奶茶店嘅老闆！出眾嘅身材加上營商嘅頭腦，邊個仲夠膽話佢只係得個樣嘅花瓶呢？為咗呢盤生意，佢曾經離開模特兒界半年，直至生意上咗軌道後，才投入番模特兒嘅工作，並積極推出新寫專輯。好似早前佢去到菲律賓嘅薄荷島進行寫真拍攝工作，除咗拍攝性感迷人嘅平面寫真外，仲要拍攝埋寫真影片，工作量一啲都唔輕，真係咪以為旅拍其實係旅行咁簡單。對於工作，佢出晒名要求高，除咗個妝化得夠自然外，為咗保持最佳嘅狀態，更會爭取充足嘅時間休息，而蒲夜店更唔係佢嘅興趣，既索又唔鍾意蒲，其實應該稱佢做宅男女友係咪會貼切啲呢？
簡介：佟蔓嘅外形真係冇得彈，要樣有樣，要燈有燈，仲有個渾圓無比嘅美股，最重要係佢斯文又得，火辣又得，叫男士點可能唔Like呢！如果想知道阿妹最新近況，登入佢嘅微博絕對係一個好選擇。
網址： weibo.com/u/1890705060
出生地：上海
身高：164cm
三圍：33、24、36
撰文：魂