政情：八網難逃：黃碧嬌多謝選民「持支」

民建聯立法會議員鍾樹根（樹根）喺區議會選舉敗選，但亦無阻「樹根化」現象蔓延，甚至仲再度波及黨友。有網民喺社交網站上載咗一張民建聯大埔區議員黃碧嬌橫額嘅照片，橫額印有喺今次區議會選舉大埔廣福及寶湖選區擊退對手嘅黃碧嬌嘅肖像，同貼上「多謝持支」字樣。究竟係黃碧嬌難敵「樹根化」，將「多謝支持」寫成「多謝持支」，定係佢同支持者之間嘅「暗語」﹖我哋致電黃碧嬌查詢時，自稱係黃碧嬌同事嘅男子就承認，橫額係由義工喺尋晚貼上字樣之後掛出嘅，估計係一時大意貼錯字樣，佢哋好快已發現同改正，不過就快唔過眼利嘅網民囉。