中環出更：退出工務小組 阿基似再戰九西
立法會議員馮檢基（阿基）喺前黨友黃仲棋「(界刂)票」，加上工聯會「小花」陳穎欣強勢挑戰，最終以九十九票之差失去深水埗麗閣選區議席，同時失去明年參選立法會超級區議會議席嘅入場券。事有湊巧，阿基於區選結果公布後，同日就去信立法會工務小組委員會主席盧偉國，話基於個人理由，決定退出工務小組。
稱加開會議難安排工作
還記得早前區選結果公布前，阿基事先張揚即使區會議席落敗，都唔會再循九龍西參選立法會，不過區選結果公布後，落敗嘅阿基疑有新說法，表示雖然失去區會議席，但一定唔係退休。
阿基開到口唔會就此退休，政圈分析很大機會「翻閹」重返九西老巢，事關退出工務小組有多個好處，包括可以爭取時間經營地區，更多現身接觸早上返工市民。
阿基透過助理回覆稱，阿基早於區選前已計劃退出工務小組，主要考慮時間分配問題，而且盧偉國有不斷加開會議嘅傾向，呢個情況令阿基安排其他工作方面有困難，因此惟有忍痛退出喎。
卓妮