荃灣西：港鐵站外違泊 「塞死條路」
「明明呢度係禁區，有牌寫住停車會被檢控，但啲車主都唔理，當咗係停車場，有時仲會雙線泊車，後面啲車行唔到，成條路咪塞死晒。」居於荃灣的張小姐指，港鐵西鐵線荃灣西站D出口對開大河道為禁區，惟經常有車輛違泊，繁忙時間更令交通擠塞。張指曾於六月向警方投訴，違泊情況雖有改善，但未幾便故態復萌，張要求警方加強執法及巡邏，以保持道路暢通。
「多啲檢控 車主先識驚」
警方發言人表示，上址設有車輛上落客位置及的士站，其餘地方為二十四小時禁區，過去一年警方發出超過八十張定額罰款告票，並接獲三十四宗有關上址車輛阻塞的投訴，而警方會針對違泊情況採取相應執法行動。
「警方多啲去檢控，啲車主先識驚，或者播多啲交通宣傳片，教導吓佢哋（違泊司機）。」張小姐近日途經上址，發現違泊情況稍有好轉，希望警方能繼續跟進。