妖媚嬌艷嘅女人之所以魅惑眾生，皆因佢哋一顰一笑一舉一動都以壓倒性誘人嘅艷光令男士神魂顛倒。喺現實中有冇呢種「妖女」？有！佢就係內地女模妮小妖。呢位睇落外表清純嘅美少女，總會喺大家意想不到嘅時候，以性感姿態大放「妖力」，瞬間迷倒一眾男士。
嚟自北京嘅25歲性感女模妮小妖，好多人初次見到佢都覺得一啲妖味都冇，反而予人一種純情嘅味道，故此小妖之名唔係咁合襯。其實只係大家未了解佢啫，作為模特兒界嘅妖女，佢最厲害之處在於外表清純，予人楚楚可憐嘅感覺，當佢表現出誘人一面時，便以超性感造型上陣，妖力十足，加埋一對激凸G Cup巨乳，令男人神魂顛倒。雖然阿妹擁有如此迷人嘅魅力，但原來佢幾年前未有諗過投身模特兒行列。喺2008年畢業於四川建築職業技術學院大學經濟管理系嘅佢，擁有專業管理知識，故此畢業後佢便投身大型企業從事管理工作，成為一位迷人嘅白領麗人。不過既然佢擁有如此好身材，又點會埋沒天賦本錢呢？故此佢冇耐就放棄白領工作，轉投模特兒界並參加多個國際性模特兒大賽。如此出眾嘅外形，令佢成功喺比賽中脫穎而出，從此展開模特兒生涯。
入行之後，佢主力拍攝寫真，人氣愈來愈高，而講到令佢成為備受注目嘅模特兒，則同汽車有關。話說有次佢以車模身份出席汽車展覽，性感又迷人嘅造型成為全場拍攝焦點，之後佢嘅照片喺網上極速流傳，人氣直線飆升。自此之後，佢不但經常喺汽車雜誌及網站亮相，並且成為汽車寶貝全國巡迴展嘅模特兒。此外，佢亦有演出內衣天橋騷，又為電子數碼產品拍攝平面廣告，以及擔任網絡媒體代言人。喺模特兒界成名後，佢開始走出攝影鏡頭，先為手機拍攝宣傳片，其後拍電影及參加電視節目嘅演出工作。從平面媒體嘅模特兒慢慢向影視界進軍嘅過程中，佢嘅表現不但愈嚟愈成熟，成績亦愈嚟愈好。雖然阿妹嘅工作愈益繁重，但係佢深明之所以工作接踵而嚟，最重要都係要靠人氣，故此唔理平日工作有幾咁忙碌，仍然不忘喺個人微博同粉絲進行互動，一來可以分享工作情況，二來又可以讓大家更加深入認識佢，對於未來發展有相當大嘅幫助。如此識得積聚人氣，果然係個管理方面嘅人才！
簡介：妮小妖G罩杯巨乳嘅魔力，本身已經極具叫座力，配合埋佢百變嘅形象，時而清純時而妖媚嬌艷，對男士嚟講更係有種難以抗拒嘅吸引力。以為呢種只應天上有嘅美女，凡人難以接近嘅話就大錯特錯，因為佢經常喺個人微博同大家分享近況，等大家可以了解得佢更多。
網址：www.weibo.com/u/1784778723
出生地：北京
身高：168cm
三圍：36、25、35
撰文：魂