慈善基金：粒粒顯關懷 送暖迎冬
「餐搵餐食」是不少基層的寫照，而不少長者退休後僅靠微薄積蓄或綜援金生活，加上百物騰貴，一包白米動輒數十元，生活可謂百上加斤。有見及此，東方日報慈善基金自九八年起舉辦「粒粒顯關懷」贈米計劃，無間斷地每月透過各區社會服務機構及長者住屋向近六千名長者送贈白米，減輕他們負擔的同時，亦於漸轉寒冷的日子中送上一絲暖意。
「以前旱災冇水種嘢，真係要食穀種o架！所以依家我洗米嗰陣跌咗一粒米都會執番，一粒都唔會浪費！」現年七十八歲的文艷蘭年輕時以務農維生，施肥、插秧、灌溉等全部一手包辦，深明「粒粒皆辛苦」的道理。蘭婆婆已領取贈米近十年，笑言非常喜愛吃米飯，更大讚贈米能減輕長者的開支，「依家一包米閒閒哋都幾十蚊，去雜貨舖就平啲，我除咗早餐之外，餐餐都要有米落肚先得，食完個人都暖啲！」
婆婆感謝善長義工
至於年逾九旬的陳嬌同樣「無飯不歡」，年輕時於餐廳任職洗碗的嬌婆婆經常食兩、三碗飯，曾被同事笑稱「飯桶」，即使現時亦每餐食一大碗飯，「依家年紀大多病痛，食藥就好易餓，要食飯先飽，我有飯食就得o架啦，唔使餸都得，淋啲魚湯就食到一碗飯！」嬌婆婆又患有痛風及耳水不平衡，行動不便，醫療券亦早已用罄，坦言醫療開支為一大支出，故平日亦只好多加節儉，幸得善長送贈白米，又有義工將贈米送到家門，可省卻搬米之苦。
白飯主糧 負擔減輕
「啲長者好多都鍾意食飯，就算我哋長者住屋年紀最大嘅『老友記』，一百零五歲都係好鍾意食飯，唔食飯唔得o架！」運頭塘邨長者住屋舍監黎姑娘指，大部分長者都喜歡以白飯作為主食，善長每月贈送白米既可減輕長者負擔，亦可讓他們感受到社會關懷，加上隨着人口老化，愈來愈多長者需要幫忙，故希望善長能繼續支持計劃，讓更多有需要的長者受惠。
捐款編號：16333
記者：詹海萍、黃芷君