審計署報告揭發全港有二百多間空置校舍，當中有四成半校舍一直被丟空，更有校舍停辦空置近卅六年。除咗教育局局長吳克儉要為事件負責外，經常大喊無地建屋嘅發展局局長陳茂波（波叔）亦責無旁貸。不過，波叔尋日就話會密切跟進報告內容，強調局方喺覓地過程中會寸土必爭。如果波叔真係有寸土必爭，就唔會令大量空置校舍用地丟空多年啦，亦不會令部分人迫切到要打郊野公園主意。究竟今次係波叔失職吖，定係吳克儉失職無匯報持有大量空置校舍呢？
