政情：梁君彥講嘢唔對咪卿姐鬧爆

劉慧卿鬧爆梁君彥（圖）唔對咪講嘢，搞到好細聲聽唔到。（資料圖片）

話說內委會講到建築物修訂條例，先由小組委員會主席麥美娟發言，之後到Andrew交代進展，點知卿姐就話聽唔到佢噏乜，仲話唔係只得自己聽唔到，又寸其他議員就算聽唔到都好似無所謂咁。Andrew繼續解釋條例幾時上大會，但依然唔對住咪講嘢，搞到卿姐鬧爆，鬧佢可唔可以對住個咪講嘢，或者叫秘書整大聲啲個咪。

• 劉慧卿

陳維安出口平息

之後卿姐想知道有關條例上大會嘅日期，Andrew就同秘書商量，卿姐呢個時間終於要爆喇，批評個個講嘢都唔對咪，點樣聽到講乜？搞到Andrew同秘書都幾尷尬。點知卿姐問咗四、五次，Andrew同秘書都係未答到，要由秘書長陳維安出口，一錘定音話下月二日上大會，先至平息風波。