深水埗：欄杆瞓地未修 戟途人
「我每晚放工都會喺呢度過馬路，早排掛住玩手機覆短訊，點知就畀個欄杆戟親，原來成個欄冧咗，瞓晒喺地下，好彩我企得穩冇跌倒，但如果係啲老人家戟親就大件事啦！」謝先生指出，深水埗青山道與欽州街交界的過路處早前有欄杆損壞，擔心若途人一不小心可致意外。
市民：部門不要等有投訴先做嘢
路政署發言人表示，該署接獲轉介後派員視察，證實上址欄杆有損毀，部分損毀的欄杆亦已被相關部門圍封，相信該處曾發生交通意外。發言人指，該署已安排承建商進行維修，並完成維修工作。
「發生交通意外都無可避免，但意外之後，清理現場時點解冇人通知部門即刻做維修，又要等到戟親人或者有投訴先做嘢？」謝先生希望相關部門加強溝通，改進交通意外後對路面設施的善後及修補工作。