水着寫真無非都係靠水着女優嘅肉哋吸引觀眾，而要成功吸引更多目光，當然波哋要夠豐滿多肉啦！之不過，修長纖巧嘅胴體亦相當吸睛，好似川崎彩呢位新紮水着妹就係憑住一副高挑修長嘅身材而成功突圍喇！
所謂女為悅己者容，而女仔又素知男人鍾意欣賞纖瘦美女，故不惜一切瘦身，而事實上有外國研究話男人多數都鍾意女仔纖瘦，原因係基於男人嘅基因令佢哋知道呢類體形嘅女仔身體比較健康，亦比較容易生育。雖然家陣大家都對生育有少少抗拒，但係欣賞美女其實唔使考慮咁多，好睇咪得囉，今日就介紹一位體形纖巧修長嘅日本水着美人畀大家，佢就係川崎彩喇。彩妹近期人氣急升，同其清新甜美嘅面孔以及笑起上嚟散發天真之氣質有關。當然，彩妹能夠喺水着界成功彈起，身材功勞亦不少。身高5呎5吋嘅川崎彩身材纖薄，四肢同腰肢都相當幼，21吋半嘅水蛇腰仲備受水着業界人士稱讚。然而，彩妹瘦得嚟完全冇骨瘦嶙峋之感，相信係因為其骨架夠晒幼所致。
川崎彩上年參加日本賽車SUPER GT嘅賽車女郎選舉，並成功進入專屬賽車女郎陣容，同年仲參加另一個選美比賽「汐留寫真甲子園2014」，雖然未能獲得獎項，但係亦已經成功打響名堂。到今年，川崎彩繼續喺賽車界發圍，仲列入「水晶鱷魚女王」小組，專門為A字頭知名汽車品牌嘅車隊打氣。川崎彩外形優秀令佢獲得水着界垂青，未夠一年就已經拍下3隻寫真DVD，作品《害羞天使》甫推出更成為網購網站Amazon嘅偶像DVD排行榜冠軍。挾住強勁人氣同優秀銷量，相信川崎彩一定可以喺現正舉行得如火如荼嘅「Miss FLASH」選美比賽當中勇奪佳績。川崎彩最近有份參演電影《夏天是提拔的時候》，以及喺電視台嘅綜合資訊性節目《PON！PON！Poshlet》中客串做天氣小姐，認真多才多藝！
簡介： 川崎彩最近專注參選Miss FLASH，喺佢嘅博客當中不時透露當中情況，以及分享為比賽拍攝寫真時嘅花絮，想留意川崎彩表現如何，就要Click入去睇睇喇。
網址： http://ameblo.jp/kawasaki-aya/
年齡：22歲
身高：5呎5吋
三圍：32-21.5-33
撰文：賢