政情：公民講場：陳健波鬧拉布 百步笑五十步

立法會財務委員會主席陳健波喺創科局撥款通過後，繼續怒插泛民議員拉布，而且愈鬧愈過火。尋日佢喺電台狠批現時嘅立法會選舉制度有問題，地方直選候選人攞得嗰兩、三萬票，都有機會當選，變相助長少數激進勢力進入議會，肆意拉布搗亂。不過話說回來，陳健波來自嘅保險界，成個功能界別都只有百多二百名選民，陳健波首次當選時只攞得幾十票，有冇資格批評啲手執兩、三萬票嘅同事呢？真係好成疑問。