政情：航拍無王管 修例不容緩
近年航拍大行其道，早前先有航拍機因操作不當而撞向台北101大樓，最近再有港人於柬埔寨金邊航拍惹禍，令人關注以遙控方式操作嘅航拍衍生嘅安全及私隱問題，中大工程學院副院長黃錦輝話，當局有需要修例監管航拍，尤其科技發展遠比法律快，修例有助預防意外發生。
黃錦輝早前出席活動時話，現時仍未有法例規管航拍，係咪可以航拍主要視乎地方而定，舉例指佢之前喺灣仔會展參加活動時，曾建議航拍場內嘅情況，但會展因安全問題拒絕呢個要求。
現時難保障個人私隱
對於航拍可能涉及嘅私隱問題，黃錦輝話由於一般人無肖像權，即使被拍攝到亦無權要求拍攝者刪去照片，加上無法例監管，所以喺保障個人私隱上或存有漏洞。
另外，黃錦輝又拆解外界嘅誤解，指好多人誤以為讀電腦工程嘅科目好難搵工，但以佢所屬嘅大學為例，去年有近九成畢業生成功就業，估計有部分學生因為去咗旅行先暫時無搵工做喎。