早前有內地團友在本港珠寶店因爭執遭毆斃慘劇，再喚起社會關注內地團來港強迫旅客購物等零團費問題，除咗批評當局監管不力外，更批評政府成立旅遊業監管局一拖再拖。負責旅遊範疇嘅商務及經濟發展局局長蘇錦樑，對旅遊業監管一直闊佬懶理，被指只識做騷出風頭，直到尋日先急推六招規管措施補鑊，包括抽查領隊及團友名單以揪出影子團友、抽查旅行團合約打擊低價團等，但就似乎將個波踢番畀旅遊業議會，逼旅議會主席胡兆英做嘢囉！
