世事就係咁奇妙，有啲人花一生去計劃人生，只係有心栽花花不開，有啲人卻無心插柳柳成蔭。好似內地人氣女模潘瑋咁，佢只不過貪玩喺網上分享嘟嘴超萌照片，結果一炮而紅，成為炙手可熱嘅模特兒，當中係有心定無意確實耐人尋味。
於北京出生、今年26歲嘅模特兒潘瑋，英文名Moneky，暱稱小潘鼠，仲有一個由網民封畀佢嘅外號「豌豆女神」，究竟呢個外號係點樣得嚟呢？如果大家仲記得一款喺2009年5月推出嘅人氣遊戲《植物大戰殭屍》（Plants vs. Zombies）嘅話，就知道呢款塔防遊戲中，有一種用嚟打殭屍嘅豌豆，佢會嘟起個嘴射出豆豆嚟打殭屍。話說喺2014年潘瑋應台灣一位人氣歌手嘅邀請，自拍多張扮豌豆嘅超萌相放上網，雖然話係自拍，但佢卻相當用心，不但從多個角度拍攝，甚至不惜自毀靚女形象，口含雞蛋同檸檬扮發射豌豆。但老實講一位靚女點樣扮醜，醜極有限，加上氣質清純，結果獲得一眾網民激讚。其實除咗扮豌豆外，佢仲扮過遊戲作品中其他角色，如矮瓜、太陽花同薯仔地雷等，同樣萌到融化男人嘅心。
憑住超萌扮相同純情形象而一夜成名嘅潘瑋，自然吸引粉絲們想更加了解佢。有人話佢擁有一對大眼睛，同埋混血兒嘅氣質，跟日本AV女優瀧澤蘿拉極度相似，甚至將兩人嘅照片進行對比。至於學歷方面，阿妹係北京交通大學法律專業嘅畢業生，而讀書嗰陣，為咗幫補生活，當時佢兼職模特兒賺錢，因此其實佢早就有模特兒工作經驗，及至喺網上一炮而紅後，佢決定進軍模特兒界，雖然出道只係一年，但已經獲得相當多嘅工作機會，經常喺平面媒體及網絡節目中亮相，並且推出寫真集。縱然潘瑋家陣已經成為全職模特兒，經常以性感造型示人，只係一啲都無減佢清純嘅氣質，亦冇影響到大家對佢嘅觀感，呢種先天嘅親和力，相信只有佢先至做得到。
簡介：潘瑋唔單止個樣夠索及氣質清純，玲瓏浮凸嘅身材更係迷人，最重要係佢一啲都唔介意性感示人，將天賦本錢全力發送。如果想知道佢係咪真係純得性感嘅話，大家可以用自己對眼親自嚟驗證。
網址：www.weibo.com/u/1851516477
出生地：北京
身 高：172cm
三 圍：35、25、35
撰文：魂