中環：788號城巴脫班 乘客罰企
「明明個站牌寫呢段時間三至八分鐘就有一班車，點解依家差唔多等多成幾倍時間，都仲未有車？究竟發生咩事？」曾先生早前傍晚於中環德忌利士街分站等候城巴788號線前往小西灣，惟苦候逾半小時仍未能上車，「放咗工就梗係想快啲返屋企抖吓，依家仲要罰咁耐企，真係攰上加攰。」
稱交通意外影響服務
城巴發言人證實，根據當日營運紀錄，告士打道東行近菲林明道發生交通意外，導致灣仔一帶出現嚴重交通擠塞，個別班次未能按原定時間返抵總站再開出，而涉事路線於下午七時十一分至七時五十六分從中環（港澳碼頭）總站共開出五班班次。
曾先生指巴士服務倘因交通事故而受阻，屬情有可原，惟認為涉事路線平日亦時有脫班，「嗰日係等得特別耐先至同傳媒講，但係平時佢哋都唔係跟實個服務承諾出車，都要企一輪先有車搭。」