每年萬聖節都係嘩鬼出籠嘅日子，只係呢種西方鬼節同我哋嘅中國鬼節有好大分別，就係佢哋扮鬼好過癮，我哋則係驚出街遇到嗰啲嘢。雖然中西嘅鬼文化唔同，但係喺情慾字海中，鬼同Ghost呢個詞語卻係相當精彩，輕則睇到人心跳加速，重則會睇到慾火焚身呀！
見到「Ghost Dick」呢個詞語時，大家千祈咪懶醒，以為佢一定係傳說中嘅鬼交，查實呢個詞語同鬼一啲關係都冇！原來佢係指女性激情過後嘅餘溫，簡單嚟講即係嗰場激烈床戰令佢鬼咁回味。點解會同Ghost扯上關係呢？據講女性喺床戰過後，蜜洞仍有種畀兵器攻擊嘅感覺，實情係兵器早已退出戰場，故此就有咁嘅稱呼。例句：「I went so hard last night, this morning she had my ghost dick。」（尋晚我狠狠咁激戰咗一場，女友今朝早仍然相當回味）。話說回來，其實女性高潮時間又點可能持續到一日呢？有研究指女性一般高潮可持續6秒，而最長嘅則可達18秒。
如果直譯「Spooky Ghost」嘅話，即係指怪異鬼，只係話明情慾詞語，又點會係咁解呢？原來佢真正嘅意思，係指女性高潮時出現失神反應。唔知乜嘢叫做失神？所謂失神，即係於性愛過程中，女性因到達高潮搞到失去理性狀態，甚至休克暈低。如果仲唔明嘅話，簡單一句嚟講，即係High到翻晒白眼！當然，喺西方女性中可能唔明白乜嘢叫做失神，故此佢哋就將責任推咗畀見唔到又摸唔到嘅鬼身上，認為佢哋之所以無情情失去理性，係因為畀Spooky Ghost呢隻怪異鬼上身所致。例句：「Tonight I gave Rebecca the spooky ghost。 」（今晚我會搞到Rebecca興奮到翻晒白眼）。
美國有套喺1984年推出嘅捉鬼電影《Ghostbusters》（捉鬼敢死隊），由於呢套電影太過深入民心關係，故此四仔片商Hustler喺2011年推出鹹濕惡搞版《This Ain't Ghostbusters XXX》。咪以為呢部惡搞四仔冇料到，佢係由著名意大利導演Axel Braun執導，仲要搵嚟Alexis Texas、Tee Reel、Evan Stone、James Deen等頂級男女脫星坐鎮，絕對係一套好鬼用心嘅作品。故事亦相當有趣，話說以James Deen為首嘅捉鬼三人組，接咗唔少「柯打」，卻發現遇到嘅都係一啲鹹濕艷鬼，搞到佢哋每次都差啲精盡人亡咁滯。呢套四仔更推出3D版本，並喺2012年第29屆AVN頒獎禮中，獲得最佳3D四仔嘅殊榮。
鬼頭桃菜同三上悠亞有乜嘢關係？驟眼睇落去，前者係著名日本女子天團SKE48嘅前成員，後者則係喺今年6月推出處女作《Princess Peach》嘅新進AV女優，查實佢哋兩個都係同一個人！話說呢位喺1993年8月16日出生嘅美少女，憑住可愛美貌加上F奶身材，成為炙手可熱嘅人氣偶像。可惜喺2013年嘅夏天，卻係佢演藝人生嘅轉捩點，話說當年7月某一日，本嚟係佢同天團姊妹一齊參加粉絲握手會，佢卻稱病而缺席。外表睇嚟好似冇乜嘢，點知畀人踢爆原來喺握手會前一晚，佢同男友喺酒吧狂歡至凌晨5點，由於宿醉關係才缺席活動。呢種欺騙粉絲嘅行為，令佢人氣暴跌兼被經理人公司雪藏，之後更宣布離隊。事隔一年後，佢喺今年6月宣布以三上悠亞之名轉戰AV界，並由AV片商MUTEKI為佢推出處女作。雖然佢聲稱只係「一碟限定」，但實情係點則有待時間驗證。
撰文：魂