前晚有躉船懷疑撞到汲水門大橋，搞到汲水門大橋同青馬大橋要全線封閉近兩小時，令來往機場與市區嘅交通大癱瘓，各政黨紛紛出來「汲水」，批評依家只有一條道路連接機場，政府缺乏危機意識，又話擔心事件會再次發生。今次事件，又係運輸及房屋局局長張炳良負責，佢之前先因為高鐵超支延誤風波，被各黨派圍插，之後又先後爆出鉛水風波及港鐵禁帶大型樂器事件，樣樣都惹起公憤，依家又要為汲水門事件拆彈，真係一波未平一波又起，睇怕佢都要改個外號叫「黑仔良」喇！
