有內地旅客涉嫌同旅行團導遊及「影子團友」爭拗，最終釀成人命慘劇。我哋早前見到○八年退休嘅立法會旅遊界前議員楊孝華（Howard），佢就慨嘆事件對香港旅遊業有好大影響，難免產生負面形象，加上旅遊業接二連三受到反水貨、「鳩嗚」團等衝擊，嚇到遊客都唔敢來港。Howard話，多年前未退休時，未有聽過「影子團友」呢回事，當時只係對導遊質素有疑問，所以政府要加強監管。佢又話，平價玩多日嘅旅行團「邊有咁大隻蛤乸隨街跳」，可能內地人較少出外旅遊，所以上當。
