政情：有相為證：古怪閃燈耳機 「光」照會場

立法會進出口界議員黃定光（象哥）尋日出席一個關於發展經濟民生議題嘅圓桌會議時閃勻全場，事關佢戴咗個會閃燈嘅藍芽電話耳機，一閃一閃好搶眼，但略嫌太大個，感覺有啲古怪。象哥就話，呢個耳機係囝囝喺淘寶買嚟送畀佢，仲配埋可以作支架用嘅手機指環，一套兩件都只係一百多元。因為佢成日都要開會同揸車，所以用藍芽耳機講電話會比較方便喎，但佢就嫌呢款耳機嘅閃燈太光喇。