柴灣：回收店貨車違泊無王管

「成日都泊兩架貨車、幾個大鐵籠喺度做生意，好似當正條路係佢哋咁，整到個環境污污糟糟，仲要搞到其他車要就住嚟行！」李先生於柴灣嘉業街上班，發現有回收店經常在門外停泊貨車，疑藉此擴大營業範圍，「雖然呢頭係工業區，但都唔係無王管o架！」

警方發言人表示，過去一年共接獲二十三宗相關投訴，期間巡警在嘉業街共發出一百四十六張定額罰款告票及兩個口頭警告。發言人承諾，會繼續在涉事路段巡邏，並會採取交通管制措施。

李先生認為有關回收店外貨車違例停泊問題日趨嚴重，質疑現有罰則過輕，難起阻嚇作用，希望政府作出檢討，「警方係有做嘢，但係每次罰得嗰幾百蚊，完全收唔到阻嚇作用，分分鐘啲舖頭已經預咗抄牌，當係經營成本一部分。」