一個人活力十足，我哋會形容佢渾身是勁，一身虎膽就形容一個人膽識過人，日本水着新貴椎名香奈江就形容自己係「全身乳」，睇阿妹咁正常唔似畸形人，點會全身都係乳呀？依家就由香奈江為大家解釋一下當中嘅意思啦！
近年日本水着妹大致上會以兩個女優為奮鬥目標，如果想成功踏上演員之路，會以情色女王壇蜜為努力嘅對象；至於想喺水着界稱后，咁就梗係學年過三十依然人氣強勁嘅杉原杏璃啦！
椎名香奈江決定喺水着界闖一片天地，視杉原杏璃為偶像，更成日研究杏璃嘅寫真DVD，從中學習對方嘅迷人之法。今年25歲嘅香奈江，以呢個年紀加入水着界做新人係就係比較遲，之不過佢一副童顏上泛起嘅天真稚氣，卻絕對唔會輸畀十八廿二嘅女優，甚至表現得更加純真可愛添。香奈江跟好多同期新人仲有一個優勢，就係擁有豐滿身材以及雪白美肌喇！全身肌膚好似雪咁白，胸前一對34F「大雪球」夠堅挺又充滿彈性，同時條腰夠幼，臀部夠圓潤，整副身材可謂無可挑剔。擁有如此美好身段，當然亦同佢擁有專業營養師資格有關，識得管理自己所攝取嘅營養，再配合適當運動，自然可以保持優美身段啦！
香奈江上年參加2014年汐留寫真甲子園比賽奪得冠軍之後，漸漸喺水着界打響名堂，同一時間順利喺藝能界發展，經常擔任電視節目嘅嘉賓，不過有啲節目唔係人人夠膽上去玩，好似喺電視節目《排位王國》當中，阿妹就親身示範進食昆蟲，然而佢食到津津有味之餘，更加鼓勵大家一齊食，佢話食昆蟲比食其他牲畜肉類更加環保喎。由於香奈江當日着住比堅尼食蟲，故節目播出之後，大家除咗大讚阿妹勇氣可嘉，食蟲時毫無懼色之外，仲話佢對F奶相當吸引。而香奈江就表示其實佢嘅特點係「全身乳」，當中語帶雙關，原來係指佢自己嘅魅力來源，係全身好似牛奶一樣咁白嘅雪肌，仲有身體其他部分都好似對F奶一樣咁有吸引力，叫大家唔好只係留意睇佢雙峰喎。
簡介：大家睇椎名香奈江嘅博客，除咗可以見到佢成日穿着比堅尼玩自拍之外，仲可以見到阿妹烹調營養菜式，呢個博客可謂色香味俱全，不妨Click上去睇睇喇！
網址：http://ameblo.jp/kamu-c/
年齡：25歲
身高：5呎2吋
三圍：34F-23-35
撰文：賢