今日先滿十九歲嘅學民思潮召集人黃之鋒，尋日入稟高院就年滿廿一歲先可以參選立法會嘅規定申請司法覆核，認為最低參選年齡應同選民投票資格一樣降低到十八歲，並直認提出覆核嘅其中一個原因，係佢自己亦有意參選立法會。咁又係嘅，明年立法會選舉佢仲未夠秤參選，下一屆就要等到二○二○年，即係足足五年之後，到時黃之鋒曾經反國教同發起佔領行動等「政績」，早已成為陳年往事，佢唔心急至奇！
