政情：何君堯被鬧白癡：或涉誹謗

喺嶺大「粗口歌」風波中，講過應該解散嶺大學生會嘅律師會前會長何君堯，日前獲政府委任做嶺大校董引起爭議，學生會更揚言會發動罷課抗議。何君堯尋日與嶺大學生會會長劉振琳一同出席電台節目時，劉力數何無資格當嶺大校董，甚至直斥對方為「白癡」。何就叫劉小心用詞，否則可能涉及誹謗。不過有法律界人士指出，除非有聽眾真係因為呢句話而以為何君堯係「白癡」，否則應該唔會構成誹謗。