環境局局長黃錦星（星星）經常夥拍宣傳惜食運動、減少浪費嘅大嘥鬼出席活動，最近為咗宣傳一個慳電比賽，星星仲粉墨登場同大嘥鬼拍咗幾條短片。其中一條短片嘅對白係「慳電有幾難啫」，星星一「講完」就熄燈，之後畫面一黑，然後轉身走人，令人諗起食物及衞生局局長高永文早前落區宣傳政改時同市民辯論嘅金句。其實呢個慳電比賽嘅對象係廿五歲以下嘅年輕人，可以自由組成十人的參賽隊伍，提出節能計劃，勝出隊伍獲得嘅獎金將會捐畀非牟利機構，聽落都幾有意義喎！
（互聯網）
