講起玩，同城字有關嘅詞語有攻打四方城；講到八卦，我哋有城中熱話，只係講到同情色有關嘅「城」詞語又有啲乜呢？相信大家未必諗到出嚟。其實喺情慾世界中，同城及Town有關嘅俚語及AV有好多，依家即刻話你知。
如果問大家知唔知「Town B」係點解嘅話，可以大膽講句一定唔知囉！原來喺英文中，佢用嚟指一啲濫交女性嘅貶義詞，而當中嘅B字則係Bitch、Bee同Bike嘅簡稱。前者嘅意思相信好多人都知道，唔使多講，而Bee則係B嘅同音字，只係Bike又點解呢？Bike即係單車，須知道單車係用嚟騎嘅，同時乜嘢人都騎得，故此將佢嚟形容濫交嘅女人。為咗公平起見，當然要講番形容濫交男嘅詞語啦！咁啱原來形容濫交男亦會用上Town 字，就係「Town Bull」。Bull嘅意思指公牛，而每當見到女人就會流晒口水咁追埋去嘅男人，用春情勃發嘅公牛嚟形容佢，感覺又真係幾貼切。
「Towns and Cities」係嚟自英國倫敦嘅俚語，意思係女性乳房咁解，只係點睇都唔明，點解兩者會扯上關係呢？原來喺倫敦口音中，Cities同乳房嘅Titties嘅發音相當近似，因此啲人就用Cities呢個詞語，用以暱稱女性嘅乳房。講到英國女性嘅車頭燈，大家知唔知英國邊個城市女性嘅車頭燈平均尺寸最大呢？根據英國一間連鎖百貨公司曾做過嘅調查發現，利物浦嘅女性以平均34E嘅Cup數冠絕全英，而緊隨其後嘅則係34DD嘅紐卡素。至於貧乳城市係伯明翰，平均Cup數僅得34A。當然呢個數字只供參考，等大家得個知字啫！
要成為一套出色嘅四仔，除咗講求肉搏場面夠精彩，同埋脫星夠索之外，原來音樂都好重要呀！如果唔係點解美國四仔奧斯卡AVN頒獎禮，都要設立一個最佳音樂獎呢？既然係咁，究竟邊套四仔可以拎到呢個獎呢？呢套喺2008年由Vivid製作嘅作品《Sugar Town》就係其中之一。由著名四仔導演Dave Naz執導，搵嚟Tori Black、Ashley Blue、Veronica Hart等人氣脫星演出，卡士強勁，以70年代為故事背景，更專登搵音樂人為呢套四仔配樂，充滿黑人曲風嘅音樂，其後更推出埋大碟《The Dirtbombs》添！憑住出色又認真嘅音樂創作，唔單止大碟好賣，並喺2010年嘅AVN頒獎禮中，獲得最佳音樂獎。
如果想喺新人輩出嘅日本AV界生存，冇番咁上下實力固然好難做到，若然能夠縱橫超過8年嘅話，更係實力嘅證明，而喺1984年9月18日出生嘅水城奈緒就係其中一位。阿妹喺2007年由AV片商S1推出處女作《新人×薄格 AV了解》正式出道，其實喺佢投身AV界前，本身已係一位人氣寫真女優。佢從事咗兩年寫真女優活動後，喺2007年獲得DMG作品賞。化身AV女優並擁有G罩杯巨乳嘅佢，人氣更係愈嚟愈高，並於2008年轉投到另一大廠Moodyz。喺出道接近8年嘅日子內共推出超過100套AV作品，而佢嘅粉絲不限於亞洲，經常喺外國成人網站亮相嘅佢，更有唔少外國粉絲。
撰文：魂