啱啱升官做政制及內地事務局副局長嘅陳岳鵬（Ronald），話咁快又有機會一嘗做局長嘅滋味。事緣政制及內地事務局局長譚志源將於明日離港公幹，所以Ronald要替更兼任局長。現年三十三歲嘅Ronald除咗成為最年輕副局長外，相信好快會成為埋最後生嘅署理局長，唔知佢嘅心情會唔會好緊張呢？
除咗譚志源之外，商務及經濟發展局局長蘇錦樑、環境局局長黃錦星、教育局局長吳克儉、食物及衞生局局長高永文等，今個月將會輪流放假或公幹。
而喺局長們放假或公幹期間，相關嘅副局長就要頂埋局長份工，包括梁敬國、陸恭蕙、楊潤雄及陳肇始。驟眼睇落去，好似好多局長都放假或公幹，但其實佢哋好多都只係離開幾日，副局長做替工，辛苦極有限啦！