大埔：商場壞電梯 無改道告示
林女士早前到大埔太和廣場二樓超市購物後，發現返回一樓的扶手電梯故障，惟現場並無張貼改道通知，林只有「跟大隊」才找到樓梯折返一樓，「以前二樓得酒樓，都冇乜人上嚟，係依家新開間超市先多人上嚟，但個個上嚟都係搭電梯，又唔知邊度有樓梯，我同其他街坊行樓梯嗰陣，前面啲人都話佢哋靠估咋！」
領展回覆有張貼
領展發言人表示，有關扶手電梯曾需維修，維修工程於同日完成，期間辦事處已於附近張貼通告，提醒顧客可使用鄰近升降機或樓梯前往其他樓層，亦有商場職員於電梯旁協助有需要的顧客。
「我出超市嗰陣明明就冇見到告示同職員，如果見到就唔使成班人盲摸摸咁亂咁走啦，貪好玩咩！」林女士希望領展日常亦應加設告示通知市民有關路線，防止同類事件再發生。