孟十朵吹響衝峰號

現今嘅內地嫩模想成名,憑住激凸嘅車頭燈,同埋大膽嘅性感寫真已唔足夠,仲要走向多棲發展先至可以令名氣同人氣直線飆升,而孟十朵正正係其中一個好例子。事關佢不但擁有一副足以令男士神魂顛倒嘅人間「胸」器,演同唱嘅出色表現,更令佢成為非一般嘅模特兒。

奇峰凸出

先後用過Angela孟瑾、Amanda、朵朵等藝名嘅巨乳女模孟十朵,雖然今年只係20歲,但憑住出眾嘅身材同埋嬌俏嘅樣貌,令佢喺出道不過兩年嘅時間,就成功喺模特兒界打響名堂。如果話佢憑住外形致勝其實並唔足夠,事關佢嘅性格夠放同夠搏,先至可以獲得今時今日嘅成績。事緣佢喺2013年時,以超大膽嘅性感寫真《玉女春光圖》,以38H巨乳成功贏得大家嘅視線及網絡輿論,其後更憑住《人肉月餅》寫真,不但食住中秋節嘅時間,幾近全裸嘅寫真更成為一時嘅熱話。與此同時,佢亦相當識得製造話題,先向明星示愛,後以一身黑色喱士爆乳透視裝喺北京商場,推銷自製嘅「人奶蛋糕」,而據佢講咁做嘅目的僅為公益代言,希望大家關注母乳餵哺嘅重要性。雖然佢嘅行為具爭議性,但卻成功喺嫩模界彈出。

多線出擊

憑住出色嘅自我推銷,人氣火速飆升嘅佢各種工作紛湧而嚟,不但為汽車品牌拍攝廣告,並且以車模身份喺各種車展中現身。喺2014年開始,佢又於電視節目中亮相,除咗擔任育兒節目的哺乳形象大使,更喺女性節目中分享化妝及保養心得。此外,今年更參演電影,名副其實踩入影視界。可能有人覺得呢種發展模式,同其他人氣嫩模冇乜分別,只係咁諗就錯。事關佢喺今年2月向樂壇進軍,並推出首張單曲《愛上他》。據稱為咗可以演繹出當中對愛情無怨無悔嘅感覺,每日錄音達十幾粒鐘,足見對音樂發展相當認真。佢能夠喺短短兩年,就已經做到唔少嫩模一直以嚟想做嘅事,仲要獲得唔錯嘅成績。如此成就固然令人既羨慕又妒忌,只係佢背後所付出嘅努力同辛酸,大家又知道幾多呢?

個人微博

孟十朵作為現今內地嫩模界、影視界及樂壇炙手可熱嘅人物,粉絲數量定然唔少,仲擁有個人專屬嘅粉絲團微博。不過大家咪以為佢個微博只係粉絲吹水區,原來佢經常上去回應大家嘅問題,仲大方分享最新嘅生活照。唔知大家睇完靚相後,有冇興趣入團呢?

網址:http://weibo.com/u/3318047912

孟十朵Profile

出生地:福建福州

身 高:170cm

三 圍:38、25、36

撰文:魂