北角：違泊成車龍 增事故風險
「日日都有好多架車泊喺度擋住條路，搞到塞死晒，後面啲車又要切線去避佢哋，有時都真係幾牙煙！」北角居民梁先生指，電氣道市政大廈外常有車輛違例停泊，影響車流暢通之餘，亦增加交通意外風險，「都試過同警方反映過，但係個情況都冇咩改善，都係日日都泊滿一條車龍。」
警方發言人表示，去年九月至今年八月共接獲三十八宗相關投訴，並於涉事路段向違例司機發出九十七宗定額罰款告票。發言人又稱，會繼續留意有關交通情況，並加強執法。
警被指執法不嚴
梁先生直指問題迄今仍未見改善，促請警方履行承諾，日後嚴加執法以提高阻嚇力，以免市民再受影響，「個位全天候都有人泊車，每次起碼都三、四架，所以成百張告票聽落好似好多，但其實都未係執得好嚴。」