「貪曾」前特首曾蔭權爵士與太太曾鮑笑薇三年前被踢爆乘坐富豪名下遊艇往返澳門吃喝玩樂及出席「江湖飯局」，為貪曾連串貪腐醜聞揭開序幕。事隔逾三年半後，本報尋日再直擊貪曾夫婦啱啱「過完大海」返港，現身上環港澳碼頭。律政司六月曾承諾三個月內會就貪曾嘅貪腐案作出檢控決定，檢控限期將至，但貪曾喺敏感時刻再次鬼祟去澳門，實在令人猜疑。不過，今次貪曾由港澳碼頭落船，應該係冇得再坐豪華遊艇過大海，唔知喺船上有冇被市民指指點點呢？
