綠色先鋒：宿減浪費
宿舍物品免費任你拎！正值大學生入住宿舍時期，不少宿生準備購置日用品，但大家又有沒有想過少買一些，選擇循環再用呢？近日香港中文大學環保組織「免廢讀中大」，舉辦了為期三日的「中大人入宿，免費任你拎」地攤活動，把早前宿生退宿時所回收的物品，免費派發給新宿生，令同學反思「大嘥鬼」陋習，同時宣揚回收再用的概念，日用品都可以代代相傳。
「我哋活動概念係將物資嘅生命延續落去。」免廢讀中大負責人Roland指出，兩年前已開始舉辦退宿回收行動，惟同學反應未如理想。而今年首次舉辦免費派發回收物資，他認為可以更有效推廣循環再用的理念，亦給廢物一條更佳出路。
負責人希望可恒常舉辦
活動當日，Roland和同伴早就到場擺攤，「所有物資由五月退宿期開始收集，大約有幾十箱。」當日派發的回收物品包括廚具、洗衣物品、電器、衣服及枕頭等，整齊有序擺放地上，每位同學可免費取五件。半小時內，已有數十位同學到場排隊支持，包括外地及內地交換生。本地宿生譚同學說：「我趁啱啱入宿，咪嚟睇吓有冇嘢啱！」
首年入住宿舍的吳同學坦言，原本打算往附近家品店購買日用品，「我拎咗洗衣籃、鍋、衣架，所以唔使買新嘅！」吳指不少回收物品簇新，適合同學再次使用，以減少浪費。「退宿期好多人都唔想拎嘢走，放喺垃圾站就算，好浪費！」同樣滿載而歸的Marcus稱，是次活動別具意義，「我自己下年退宿一定會將有用物品回收，畀其他有需要嘅同學！」
「今次活動只係一個開始，之後我哋希望可以喺校園設立一個地方，恒常舉辦二手物品交換，令交換成為同學生活嘅一部分。」活動另一負責人Sandy稱，該會將致力在校園宣揚回收理念，一洗大學生「大嘥鬼」形象。
圖：吳康琦
文：紀靜雯