灣仔：平台僭建翻生 市民不滿屋署
「無喇喇多咗個鐵皮蓋頂，又裝晒冷氣機同鐵閘，一睇就知係僭建啦，屋宇署其實係咪已經放棄咗，寧願畀人鬧都唔諗辦法去解決問題？」灣仔居民李先生日前行經謝斐道，發現有大廈平台僭建，擔心影響樓宇結構安全，「冇入過圖則，即係冇專業人士計過究竟受唔受到力，你話完全冇影響就講笑啦！」
執法欠阻嚇力 流程待檢討
屋宇署發言人證實，根據紀錄，涉事大廈平台有僭建物，已按當時執法政策及《建築物條例》向有關業主發出警告，並已送交土地註冊處，直至完成清拆後方予以註銷。發言人補充，視察發現涉事大廈平台有新僭建物，已發信敦促業主自行清拆，其後亦會發出清拆令。
李先生坦言對屋宇署執法成效大表失望，促請早日檢討流程，以提高阻嚇力，「你係做到嘢嘅話，啲人又點會一邊僭建完又到另一邊？」