佔領行動本月底就一周年，學民思潮召集人黃之鋒與外號「李漢奸」嘅民主黨創黨主席李柱銘又再度活躍，擬於本月底到美國華盛頓出席一個有關香港佔領行動及民主發展嘅研討會，而且仲係由佔中發起人港大法律學院副教授戴耀廷喺背後安排。咁啱得咁蹺，黃之鋒同李漢奸赴美嗰段時間撞啱國家主席習近平訪美，話唔係夾過時間真係搵鬼信，所以有建制派人士就批評佢哋係配合美國「唱衰中港」，唔知到時又會否乞求老美干預香港政制呢？
