其中早前先去過北京要求公安部加緊打擊電騙問題嘅譚耀宗，席間大爆「國家機密」，話中港台等地已有十一萬人受過專門訓練進行電騙。特首雖自言冇收過詐騙電話，但就透露好多政府部門同高官都輪流收過，唔知當中有冇人中過招又唔敢認呢？
港人對電話訪問戒心重
除咗政府高官，本港各大政黨原來亦受電騙所害。有民記中人向特首訴苦，話依家香港人對唔熟悉嘅電話號碼好有戒心，佢哋打畀市民做電話調查，對方一係唔聽，或接聽咗之後質疑佢哋係騙徒，令政黨好難做嘢。除了電騙，雙方席間亦傾到鉛水風暴、樓宇供應同中港股災等問題，但內容就冇乜特別喇。